Gaman er að segja frá því að vefur Smalahundafélags Íslands, Snati, hefur verið uppfærður.

Breytingar eru þær helstar að verið var að leiðrétta villur sem voru til staðar og uppfæra þróunarumhverfi.

Þetta er gert til að tryggja notendaöryggi og nútímavæða upplifun notenda, til dæmis með því að gera vefinn aðgengilegan á snjalltækjum.

 

Fyrir hönd stjórnar vil ég sérstaklega þakka Elísabetu Gunnarsdóttir fyrir hennar framlag við undirbúning og prófanir á nýja vefnum.

 

Fyrir hönd stjórnar Smalahundafélags Íslands.

 

Jens Þór Sigurðason.

14.10.2022

 

 

Efni:   Styrkur Smalahundafélags Íslands til deilda félagsins vegna æfinga innan hús á haust mánuðum 2022 og vor mánuðum 2023.

 

Hver deild getur sótt um styrk  vegna leigu á reiðhöllum eða sambærilegu húsnæði ætlað til tamninga fjárhunda opið félagsmönnum Smalahundafélags Íslands veturinn 2022 - 2023.  Ef upp kemur sú staða að félagsmenn vilja nýta styrkinn á fleiri en einum stað i hverjum landshluta, þá er það hlutverk formanns deildanna að dreifa styrknum innan svæðisins og tryggja jafnræði félagsmanna óháð staðsetningu. 

 

Áætlaður styrkur er allt að 15.000 kr fyrir hverja æfingu og getur hver deild sótt um styrki sem nemur 8 æfingum, það er heildarupphæð allt að 120.000 kr.

 

Heildar kostnaður fyrir félagið nemur allt að 840.000 kr, tengt verkefninu (ef allar deildir sækja um 8 daga).

 

Framkvæmd:  Á heimasíðu félagsins verður umsóknar skjal þar sem fram koma allar almennar upplýsingar staður, dagsetning og ábyrgðarmaður.

 

Í framhaldinu mun stjórn félagsins rýna árangur verkefnisins og koma með tillögur fyrir næsta aðalfund.

 

    

 

 

Jens Þór Sigurðarson

Stjórnarmaður í Smalahundafélagi Íslands.

 

Húsatóftir 14.10.2022

Aðalfundur Smalahundafélags Íslands að Húsatóftum 2022

 

Formaður Smalahundafélags Íslands setti fundinn sem haldin var á Hestakránni við Húsatóftir 14.10.2022 kl: 21:00. 

Arnþór Jónsson var kjörinn fundarstjóri og Jens Þór Sigurðarson ritari.

 

Dagskrá:

1. Skýrsla stjórnar.

 

2.  Reikningar.

 

Reikningar bornir undir fundinn.

Reikningar samþykktir með fyrirvara um samþykki skoðunarmanna.

 

 

3. 1.  Kosningar stjórnarmanns.   Arnfríður Sædís Jóhannesdóttir gefur ekki kost á sér til áframhaldandi stjórnarsetu.  Tibrá Halldórsdóttir var kosin í stjórn Smalahundafélags Íslands.  Arnfríði Sædísi er þakkað fyrir hennar störf fyrir SFÍ.

2. Varamenn:Núverandi varamenn eru Bjarki Benediktsson frá Breiðavaði og Agnar Ólason frá Tjörn.Þar sem varamenn eru kosnir á víxl er komið að endurnýjun, býður sig fram og tekur við af Bjarka Benediktssyni.Fundurinn samþykkti Bjarka Benediktsson sem varamenn.

               3. Kosning á umsjónarmanni ættbókaforritsins Snata?  Arnþór Jónsson frá Geirastöðum og Elísabet Gunnarsdóttir frá Ketilsstöðum voru kosin umsjónarmenn með ættfræðiforritinu Snata. 

Hilmari Sturlusyni frá Móskógum er þakkað fyrir óeigingjarnt starf til margra ára.

 

 

4.  Önnur mál.

1. Merki félagsins, stjórnin ber undir fundinn tillögu að merki félagsins. 

Tillögur komu að lagfæringu á hugmynd stjórnar, þ.e. lagfæra neðri hluta merkisins og skoða að útlínur merkisins yrðu útlínur Íslands.

 

2. Tillaga frá Jens Þór Sigurðarsyni varðandi styrk SFÍ til handa deildum félagsins til æfingaaðstöðu innandyra (haust -vetur 2023).    Hugmynd Jens Þórs samþykkt með fyrirvara um breytingu á orðalagi tillögunnar.  Þar sem tilgreint er upphæðir fylgja orðin: allt að.  Þannig að þeir sem fá styrk, geti nýtt allt að kr og þeir sem fái frítt húsnæði nýti sér það áfram.

 

 

3. Tillaga Aðalsteins formanns SFÍ að þriggja daga keppni næstkomandi hausti.

Aðalsteinn útskýrði hugmynd sína. Tillaga samþykkt.

Staðsetning næsta mót rædd, bjóða Snæfellsnes deildinni að halda næstu keppni.

 

 

4. Tillaga stjórnar að hækka styrk SFÍ til Deilda félagsins sem halda Landskeppnina úr 50.000 kr.  Tillaga samþykkt að hækka upphæðina í 100.000 kr.

 

 

5. Árgjald SFÍ hefur ekki hækkað í 10 ár, stjórn óskar eftir umræðu.  Hugmynd að hækkun um 1500 kr, eða í 5000 kr árgjald samþykkt eftir ágætis umræður með fjölbreyttum sjónarmiðum. 

 

 

 

6. Örstutt yfirferð yfir fjárhundanámskeið haldið á Miðfossum í Borgafirði 7 – 13 mars 2022.

 

Nemendur voru 36, 24 með hunda og 12 án hunda.Eftirspurn var töluverð umfram framboð.Verkefnið var samstarfsverkefni Smalahundafélags Íslands, Bændasamtaka Íslands og Endurmenntunar Landbúnaðarháskóla Íslands. Almenn ánægja fundarmanna með verkefnið.

 

 

7. Malta Jim: Elísabet Gunnarsdóttir fer yfir ferlið í stuttu máli.

 

8. Minning um fallin félaga, formaðurinn minnist Svans Guðmundsson frá Dalsmynni.  Aðalsteinn minntist Svans, ræddi feril hans og hans arfleið í félaginu.

 

 

Aðalsteinn Aðalsteinsson formaður þakkar fyrir góðan fund, fundi slitið.

 

Fundinn sátu:

Arnþór Jónsson

Sverrir Möller

Kristinn Hákonarson

Björgvin Sigurbergsson

Marsibil Erlendsdóttir

Tíbrá Halldórsdóttir

Magnús Ingimarsson

Maríus Halldórsson

Jens Þór Sigurðarson

Aðalsteinn Aðalsteinsson

Elísabet Gunnarsdóttir

Krystow Krawczyk

Hilmar Sturluson

Arnfríður Sædís Jóhannesdóttir

 

 

 

 

Svanur Heiðar Guðmundsson er látinn 71 árs að aldri eftir nokkurra missera baráttu við krabbamein. 

Svanur fæddist í Dalsmynni 29 nóvember 1950 og þar var hans heimili alla tíð síðan. Fyrst starfsmaður á búi foreldra sinna og síðar bóndi sjálfur. Svanur var fyrst og fremst dugnaðarbóndi og jafnframt mikið náttúrubarn. Hafði yndi af hestaferðalögum og haft á orði hvað hann var skemmtilegur ferðafélagi á þeim vettvangi enda maðurinn fjölfróður um flesta hluti og ekki síst skáldskap og vísnagerð og vel liðtækur hagyrðingur. Sinnti refaveiðum töluvert og naut sín ekki síst að eltast við eftirlegukindur á fjöllum „og hafði jafnan sigur“ enda maðurinn kappsfullur og naut aðstoðar afbragðsgóðra hunda sinn. Um árabil áberandi maður í starfssemi Smalahundafélagsins. Formaður Snæfellsnessdeildar um tíma og alltaf tilbúinn að leggja lið í sambandi við námskeiðahald og kennslu og orðin drjúgmörg námskeiðin sem hann kom að með einum eða öðrum hætti fyrir utan fjölmarga hunda sem hann tók heim til sín og kom til nokkurs þroska. Auk þess eru áhrif hans á Border Collie ræktunina innanlands orðin umtalsverð. 

Stjórn Smalahundafélags Íslands vottar aðstandendum innilega samúð og þakkar samstarfið.

Ágætu félagar

Á síðasta aðalfundi SFÍ, í kjölfar tillögu frá formanni Austurlandsdeildarinnar, var Lísu falið að kanna hvort hægt væri að fá lánaðan hund til landsins. Þegar kom í ljós að við gátum fengið Malta Jim einn af kynbótahundunum hjá Serge Van Der Zweep lánaðan þá snérist þetta svolítið um að hrökkva eða stökkva og það var ákveðið að stökkva. Unnið er að því að fá hundinn til landsins í lok mars / byrjun apríl ef ekkert óvænt kemur upp.

Serge er einn af allra fremstu hundaþjálfurum í heimi og kröfuharður ræktandi með topp hunda til undaneldis. Það var ekki sjálfgefið að fá hann í þetta tilraunaverkefni með okkur og eigum við það meðal annars að þakka Jonleif Jörgensen.

Malta Jim er mjaðmaskoðaður, augnskoðaður og "clear" fyrir þeim arfgengu sjúkdómum sem hægt er að prufa fyrir.

SFÍ mun standa straum af kostnaði við inn og útflutning, en Lísa sér um alla vinnu við inn/út-flutninginn og mun hafa umsjón með hundinum á meðan hann er á Íslandi (amk fyrst um sinn). Hundurinn verður þá fyrst um sinn staðsettur á Ketilsstöðum Tjörnesi og Lísa mun taka við pöntunum og aðstoða eigendur tíka eftir atvikum.  Svo er útlit fyrir að hundurinn fari á Austurlandið og verði svo seinni part sumars í Borgarfirði.

 SFÍ setur það sem skilyrði að eigendur tíkanna séu félagar í SFÍ, tíkurnar séu skráðar í SFÍ og afkvæmin verði skráð í SFÍ. Got undan tíkum sem eru ISDS skráðar skal skrá í ISDS. Tíkurnar verða jafnframt að vera með gilda bólusetningu og DNA skimun. Í boði er að Lísa taki DNA strok úr tíkunum á staðnum og sjái um að senda til rannsóknar. Eigandi tíkur borgar þá einungis fyrir rannsóknina.

Að því gefnu að það verði næg eftirspurn stefnum við á að hafa hundinn í fimm til sex mánuði til að helst allir þeir félagar sem vilja geti haldið undir hann.

Við reiknum með að tollurinn kosti 220 þús kr. með fyrirvara um að gengið haldist nokkuð stöðugt.

Þetta er viðleitni SFÍ til að auðga gengamengið hjá okkur BC vinnuhundaræktendum á Íslandi. Við sem að þessu stöndum vonum innilega að þetta mælist vel fyrir og gangi vel. Ef vel gengur kemur til greina að skoða þetta á nokkurra ára fresti.

Frekari upplýsingar er að finna á Facebook síðu SFÍ.

Kærar kveðjur

Lísa, Jens, Alli A, Adda og Varsi

20.4.2022 Malta Jim er mættur í Ketilsstaði, Tjörnesi, þar sem hann verður næstu tvo mánuðina eða þar um bil.

20.6.2022 Malta Jim er mættur í Eyrarland, Fljótsdal, þar sem hann verður amk næstu tvo mánuðina.

Smalahundafélag Íslands og Austurlandsdeildin þakkar öllum sem að keppninni komu fyrir gott mót. Margir lögðu hönd á plóg eins og þarf að vera ef svona viðburðir eiga að geta átt sér stað. Sérstakar þakkir fær Sverrir Möller og fjölskylda. Frábærlega vel að öllu staðið hvort sem það var á keppnisvellinum eða kaffistofunni. Kindurnar voru heilt yfir bæði einsleitar og þjálar, og völlurinn skemmtilegur á sama tíma og hann reyndi á menn og hunda. Ekkert landsmót var í fyrra sökum covid og því kærkomið fyrir félagsmenn SFÍ að geta komið saman í ár við þetta tækifæri.

Dómari var Jonleif Jörgensen frá Færeyjum og dæmdi hann af þekkingu, sanngirni og röggsemi. Núll stig voru talsvert áberandi í keppninni í ár eins og sést á stigaskorinu. Jonleif var samkvæmur sjálfum sér þar og gaf enga sénsa. Hann bauð aftur á móti uppá að þeir sem gerðu ógilt fengu að klára tímann sinn í braut ef þeir vildu, til að fá amk reynsluna þó engin fengju þeir stigin. Jonleif sagði frá því að í Færeyjum væru um 6 keppnir á ári og yfirleitt á milli 20 og 30 keppendur í hvert sinn. Gaman væri að okkur tækist með tímanum að komast á svipaðan stað með fjölda móta og vinir okkar Færeyingar. Mótin hvetja menn til dáða og svo er félagskapurinn auðvitað óviðjafnanlegur!

SFÍ bauð upp á þá skemmtilegu nýung að streyma "life" frá mótinu á facebook síðu félagsins og vakti það mikla lukku. Þar geta félagsmenn enn séð öll rennslin fyrir utan nokkur rennsli seinnipartinn á laugardag sem urðu tækniörðugleikum að bráð. 

Alls fóru 21 hundur í braut. Hver hundur fékk eitt rennsli hvorn dag og samanlagður fjöldi stiga báða dagana gilti til úrslita. Úrslit voru eftirfarandi:

 

 

Gaman er að segja frá því að samhliða Landsmótinu fóru fram video vinnupróf ISDS. Fimm verðugir hundar fóru í það próf og stóðu sig með prýði. Að því gefnu að þeir standist skoðun gerir það þeim kleift að skrá hundana í ættbók International Sheepdog Society (ISDS) sem SFÍ á aðild að. Hundum með ISDS skráningu fjölgar jafnt og þétt eins og sést á úrslitunum hér að ofan. Innan banda SFÍ hafa lengi verið til góðir og vel ræktaðir hundar en með ISDS aðild og skráningu standa okkar félagar og okkar hundar jafnfætis smölum og hundum í félagsskap sambærilegum SFÍ um allan heim.

Félagsmenn SFÍ með hunda skráða hjá SFÍ geta sótt um aðild að ISDS og vinnupróf allan ársins hring. Áhugasamir eruð beðnir um að hafa samband við undirritaða sem mun þá aðstoða við að koma því í kring.

Aðalfundur SFÍ var haldinn á föstudagskvöldið 27. ágúst. Þar voru mættir 14 félagsmenn. Ýmis mál rædd og farið yfir ársreikninga síðustu tveggja ára. Fundargerð og ársreikninga má nálgast hér á heimasíðunni undir "fundargerðir"

Með góðum kveðjum,

Elísabet Gunnarsdóttir fh. Austurlandsdeildarinnar og Smalahundafélags Íslands