Landsmót SFÍ fór fram á Vorboðavelli við Blönduós þann 1. nóvember. Til leiks voru skráðir 19 hundar. Þar af 6 í unghundaflokki, 3 í B-flokki og 10 í A-flokki. Verðurfræðingar voru búnir að stunda dálítinn hræðsluáróður fyrir mót, en það kom ekki í veg fyrir að smalar mættu með hunda sína héðan og þaðan af landinu. Guðir veðursins voru ágætlega miskunnsamir á laugardaginn þó það deildist aðeins misjafnlega á keppendur. Á sunnudaginn sýndu þeir aftur á móti mótsgestum hver valdið hefur og blésu mótið af í bóksaflegri merkingu og úr varð eins dags mót. Allir hundar mótsins fengu eitt rennsli sem gilti til úrslita. Úrslit voru eftirfarandi:

A-flokkur  (10 keppendur, stig af 100).

Elísabet Gunnarsdóttir og Skotta frá Daðastöðum, 86 stig.

Gunnar Guðmundsson og Karven Taff frá Wales, 71 stig.

Gunnar Guðmundsson og Ólína frá Hafnarfirði, 63 stig.

Svanur Guðmundsson og Korka frá Miðhrauni, 60 stig.

Elísabet Gunnarsdóttir og Panda frá Daðastöðum, 57 stig.

Hilmar Sturluson og Perla frá Móskógum, 38 stig.

Aðalsteinn Aðalsteinsson og Kría frá Daðastöðum, 37 stig.

Bjarki Benediktsson og Trúska frá Breiðavaði, 31 stig.

Sverrir Möller og Grímur frá Daðastöðum, 3 stig.

Jón Geir Ólafsson og Röskva frá Hæl, 31 stig - hætti keppni.

B-flokkur (3 keppendur, stig af 100)

Halldór Sigurkarlsson og Smali frá Miðhrauni, 85 stig.

Davíð Jónsson með Móru frá Kjarna, 39 stig.

Gunnar Guðmundsson og Loppa frá Kýrholti, 27 stig - hætti keppni.

Unghundar (6 keppendur, stig af 100).

Svanur Guðmundsson og Ronja frá Dalsmynni, 66 stig.

Sverrir Möller og Gutti frá Hafnarfirði, 59 stig.

Aðalsteinn Aðalsteinsson og Doppa frá Húsatóftum, 56 stig.

Sigurður Hannes Sigurðsson og Líf frá Eyrarlandi, 45 stig.

Aðalsteinn Aðalsteinnson og Frigg frá Kýrholti, 40 stig.

Davíð Jónsson og Emma frá Daðastöðum, 9 stig - hætti keppni.

Dómari mótsins var Mosse Magnusson og honum til aðstoðar kona hans Lotta.

Lífland styrkti félagið í formi  veglegra vinninga sem gengu til efstu sætanna í hverjum flokki.

Snati Húnavatnssýslu, Smaladeild Skagafjarðar og Smalahundafélag Hörgársveitar og nágrennis höfðu samstarf um að halda mótið að þessu sinni. Bjarki á Breiðavaði lánaði kindur til mótsins og hafði dómarinn orð á að hann hafi verið ánægður með kindurnar. Þá opnaði Bjarki og fjölskylda heimili sitt fyrir dómarahjónin og keppendur af mikilli óeigingirni. Það er rétt að nota tækifærið og þakka framangreindum aðilum fyrir frábærar móttökur og gott utanumhald.

NOKKRAR MYNDIR: http://smalahundur.123.is/photoalbums/266621/ Ef einhverjir eiga myndir frá keppnisdeginum eru viðkomandi hvattir til að setja inn fleiri myndir.

Dómaranámskeið

Dómaranámskeið verður haldið v/Blönduós föstudaginn þann 31. Október (nánari staðsetning auglýst síðar) í tengslum við landskeppnina frá kl.13-17.

Á námskeiðinu mun Mosse Magnusson fara ítarlega yfir keppnisreglur ISDS og fyrir hvað er dæmt í formi fyrirlesturs og sýnidæma á videó.

Nauðsynlegt fyrir alla sem vilja fá yfirsýn í störf dómarans jafnt keppendur sem og brekkudómara.

Skráning er hjá Bjarka í síma 8480038 í síðastalagi miðvikudagskvöldið 29. Október. Verð 6000 kr.

30.10.2014 VIÐBÓT VIÐ FRÉTT. EF EINHVER HEFUR EKKI FENGIÐ UPPLÝSINGAR UM ÞAÐ NÚ ÞEGAR ÞÁ TILKYNNIST ÞAÐ HÉR MEÐ AРNÁMSKEIÐIÐ VERÐUR HALDIÐ Á BREIÐAVAÐI.

Landskeppni 2014

Landskeppni smalahundafélags Íslands verður haldin á Vorboðavelli við Blönduós helgina 1-2 nóvember.

Keppt verður í eftirtöldum greinum:

• v A flokki, opinn flokkur og fyrir þá hunda sem hafa fengið 50 stig eða meira í B flokki.
• 
  
• v B flokkur,  fyrir hunda sem ekki hafa náð 50 stigum.
• 
  
• v Unghundaflokkur, fyrir hunda yngri en 3 ára.

Dómari verður Mosse Magnusson frá Skotlandi og honum til aðstoðar konan hans Lotta.

Keppnin hefst á unghundum laugardaginn kl. 10:00. Skráningar fara fram hjá Bjarka í síma: 8480038 og Aðalsteini í síma: 8653910 fyrir fimmtudaginn 30. október.

Mótsgestum er bent á gistimöguleika á Glaðheimum og Blöndubóli en bæði eru staðsett á Blönduósi.

Aðalfundur 2014

Aðalfundur smalahundafélags Íslands verður haldin á Breiðavaði  föstudagskvöldið 31.október kl. 20:00

Samið hefur verið við Mosse Magnusson um að sinna dómgæslu á Landskeppni SFÍ 2014. Mosse er sænskur og hefur 7 sinnum unnið Landskeppnina þar. Fyrir nokkrum árum flutti hann ásamt Lottu konu sinni til Skotlands og þar reka þau sauðfjárbú ásamt því að rækta og temja Border collie smalahunda. Mosse hefur verið í Skoska landsliðinu síðustu 4 ár og í ár var hann í 14 sæti á heimsmeistaramótinu sem var haldið í lok ágúst í Skotlandi. Stefnt er að því að á föstudeginum fyrir keppni verði Mosse með námskeið í dómgæslu.

Eins og áður hefur komið fram er Landskeppnin fyrirhuguð í Skagafirði/Húnavatnssýslum fyrstu helgina í nóvember og aðalfundur félagsins á föstudagskvöldinu fyrir keppnina.

Heimasíða Mosse og Lottu http://mosse.se/

Ég held það sé óhætt að mæla með þessum ágæta manni. Nij Vyas hefur unnið með smalahunda í meira en 20 ár. Hann hefur mikla keppnisreynslu og hefur meðal annars verið í enska landsliðinu. Hann hefur einnig mikla reynslu af því að halda námskeið og gaf út bókina "Sheepdog training and trials" árið 2010. Nij hefur viðamikla þekkingu á almennri hundaþjálfun og rekur hundaskólann "Bertie Dogs" á Suður Englandi. Sjá nánar á heimasíðu Vyas http://www.sheepdog-training.co.uk/

Snati Húnavatnssýslu, Smaladeild Skagafjarðar og Smalahundafélag Hörgársveitar og nágrennis munu hafa samstarf um að halda Landsmót SFI árið 2014. Stefnt er að því að keppnin fari fram fyrstu helgina í nóvember. Keppin verður haldin í Húnavatnssýslum eða Skagafirði. Nákvæm staðsetning verður auglýst síðar.

Ágæti félagi í Smalahundafélagi Íslands (SFÍ)

Ákveðið hefur verið að fresta aðalfundi félagsins sem var fyrirhugaður 12. apríl næstkomandi (boðaður í síðasta fréttabréfi) og halda hann samhliða næstu Landskeppni SFÍ.

Er þetta gert til þess að freista þess að fá betri mætingu á aðalfundinn og gefa deildum félagsins rýmri tíma til að kynna sér og fjalla um mögulega aðild SFÍ að International Sheep Dog Society.

Deildirnar eru um leið hvattar til að funda um aðildarumsóknina og skapa umræðuvettvang fyrir sína félagsmenn í þeirra nærumhverfi. Stjórn Smalahundafélags Íslands aflar og veitir fúslega frekari upplýsingar.

Með góðum kveðjum, Jón Geir (jongeirolafsson@gmail.com), Lísa (elisabetg@ru.is) og Sverrir (ytralon@simnet.is)

Aðalfundur félagsins er fyrirhugaður að heimili formanns Ytra-Lóni Langanesi þann 12. apríl næstkomandi kl. 16:00. Við gerum okkur grein fyrir að þetta er langt fyrir suma, en það er sama hvaða staðsetning hefði verið valin, það hefði alltaf verið langt fyrir einhverja. Að Ytra-Lóni geta félagsmenn fengið ódýra gistingu ef þeir þurfa á því að halda.

Ákveðið var að hafa aðalfundinn í fyrra fallinu þetta árið til að taka fyrir aðild SFÍ að ISDS og taka ákvörðun um hvenær næsta landskeppni verður haldin. Landsmótið hefur verið haldið í lok ágúst undanfarin ár, en stjórnin veltir fyrir sér hvort ástæða sé til að fresta keppninni í ár fram yfir göngur og réttir. Erfitt gæti reynst að fá erlendan dómara í lok ágúst þar sem heimsmeistarakeppnin verður haldin í Skotlandi á sama tíma. Auk þess má gera ráð fyrir að rætt verði um upptöku skráningargjalda í ættbókarforrit SNATA fyrir utanfélagsmenn og tekin fyrir önnur venjubundin fundarefni aðalfundar.

Fyrir rúmri viku fór í póst fréttabréf til félagsmanna þar sem félagsmönnum var kynnt hvað það felur í sér fyrir félagið og félagsmenn að gerast aðilar að ISDS. Þeir sem vilja koma hug sínum á framfæri eða vantar frekari upplýsingar geta haft samband við stjórnina. Öll sjónarmið eru vel þegin og verða kynnt á aðalfundi. Við viljum gjarnan að sem flestir félagsmenn komi að þessari ákvörðun, hvort sem menn eru hlynntir eða mótfallnir, og hvetjum því félagsmenn eindregið til að mæta á fundinn.

Félagsmönnum er einnig bent á að tala við deildirnar sínar. Haft hefur verið samband við stjórnir deildanna og þær beðnar um að senda fulltrúa á fund, eða að öðrum kosti senda félaginu álit sitt.

Með góðum kveðjum, stjórn SFI

Ég vek hér með athygli á Fésbókarsíðu Smalahundafélags Snæfells og Hnappadalssýslu. Síðan er opin öllum áhugamönnum um BC smalahunda og er vettvangur líflegra og uppbyggilegra samskipta. Frábært framtak hjá Snæfellsdeildinni sem við hin njótum góðs af. Félagsmenn hvattir til skoða þetta.

Hér er slóðin: https://www.facebook.com/groups/142332905926307/ 

Kæru félagar og annað áhugafólk:

Fundargerð síðasta aðalfundar er nú aðgengileg á heimasíðunni undir Fundargerðir.  Vinsamlegast látið mig vita í síma 860 7566 ef fram koma spurningar eða athugasemdir.

Bestu kveðjur,

Jón Axel

Deildarmót Austurlandsdeildar SFÍ var haldið á Ytra-Lóni á Langanesi laugardaginn 23. nóvember síðastliðinn. Sverrir Möller bar hitann og þungann af mótinu og rétt að nota tækifærið til að þakka honum fyrir ósérhlífnina. Það er að ýmsu að huga þegar svona mót er haldið og ekkert sjálfgefið að menn bjóðist til að taka það að sér. Dómari var Lárus H. Sigurðsson frá Gilsá. Við hjá Austurlandsdeildinni kunnum honum og öðrum sem lögðu hönd á plóginn kærar þakkir fyrir sín störf.

Það var ægifagurt á Langanesinu þennan daginn. Atlandshafið ólgaði í brautarjaðrinum og hvíslaði einhverju að keppendum á meðan fjöllin mændu á úr bláum fjarska.  Það má segja að mótið hafi endurspeglað vel þær krefjandi aðstæður sem íslenskir smalahundar þurfa gjarnan að glíma við. Hiti var rétt undir frostmarki , bálkvasst og mikil vindkæling. Brautin bauð upp á ýmsar áskoranir svo sem frosnar tjarnir, hálkubletti og rofabörð sem gátu hæglega verið þrándur í götu ef hundar og smali gættu ekki vel að sér. Hundarnir sýndu og sönnuðu að þarna voru á ferð alvöru smalahundar sem láta engan bilbug á sér finna við krefjandi aðstæður. Kindurnar voru léttar og skemmtilegar og  að sama skapi fljótar að refsa keppendunum ef smalinn gleymdi sér augnablik eða hundurinn bar sig ekki alveg rétt að.

Sjö smalar tóku þátt og 11 hundar. Flestir keppendurnir komu af Norðausturlandi og Austurlandi, en einn keppandi lagði þó í heldur lengra ferðalag en hinir. Agnar Ólafsson mætti frá Höfn með Kát frá Eyralandi og lét varnarðarorð sveitunga sinna um háskalegt ferðalag á hjara veraldar sem vind um eyru þjóta. Við hjá Austurlandsdeildinni fögnuðum að sjálfsögðu þessum góðu gestum. Þess má líka geta að tveir af þátttakendunum, Maríus Snær Halldórsson og Edze Jan de Haan, voru að keppa í fyrsta skipti. Bæði hundar og smalar sýndu góða takta og eru líklegir til alls í framtíðinni.

Keppt var í 3 flokkum að venju og skiptu keppendurnir verðlaununum nokkuð bróðurlega á milli sín. Þegar fáir keppa segir stigaskor ef til vill meira um frammistöðu hundanna heldur en sætið sem þeir lentu í. Eins og kemur fram í úrslitunum hér að neðan skiluðu hundarnir góðum rennslum og voru því vel að verðlaununum komnir. Að keppni lokinni var haldið heim að Ytra-Lóni þar sem vindbarðir en glaðbeittir smalar tóku við verðlaunum. Þar hafði Mirjam galdraði fram dásamlegar veitingar í fundarsalnum Smala sem keppendur og áhorfendur gæddu sér á.

Flokkur unghunda (90 stig mest)

1) Agnar Ólafsson og Kátur frá Eyralandi (70 stig). Aldur hunds: 2,5 ár. M: Lýsa frá Hafnarfirði, F: Mac frá Wales / Eyralandi.

2) Sverrir Möller og Grímur frá Daðastöðum (63 stig) Aldur hunds: 2,5 ár M: Pressa frá Eyralandi, F: Cesar frá Daðastöðum.

3) Maríus Snær Halldórsson og Sara frá Bjarnastöðum (45 stig - féll á tíma). Aldur hunds: 2,5 ár. Míla frá Bjarnastöðum, F: Dan frá Skotlandi / Daðastöðum.

B-flokkur (90 stig mest)

1) Helgi Árnason og Strumpur frá Snartarstöðum (69 stig). Aldur hunds: 3,5 ár. M: Rós frá Daðastöðum, F: Guttir frá Snartarstöðum.

2) Elísabet Gunnarsdóttir og Ýta frá Daðastöðum (64 stig). Aldur hunds: 3,5 ár M: Pressa fra Eyralandi, F: Mac frá Wales / Eyralandi. 

3) Edze Jan de Haan og Gláma frá Sauðanesi (? stig - Féll á tíma). Aldur hunds: 3,5 ár. M: Snotra frá Grundarfirði, F: Patti frá Daðastöðum.

A-flokkur (100 stig mest)

1) Þorvarður Ingimarsson og Mac frá Wales / Eyrarlandi (85 stig). Aldur hunds: 11 ár. M: Peg, F: Storm.

2) Elísabet Gunnarsdóttir og Skotta frá Daðastöðum (85 stig). Aldur hunds: 7 ár. M: Píla frá Garði, F: Prins frá Daðastöðum.

3) Elísabet Gunnarsdóttir og Panda frá Daðastöðum (83 stig). Aldur hunds: 5 ár. M: Skotta frá Daðastöðum, F: Dan frá Skotlandi / Daðastöðum.

4) Þorvarður Ingimarsson og Lýsa frá Hafnarfirði (68 stig). Aldur hunds: 9 ár. M: Týra frá Kaðalsstöðum, F: Tígull frá Eyrarlandi.

5) Þorvarður Ingimarsson og Eyra frá Eyrarlandi (67 stig). Aldur hunds: 4 ár. M: Lýsa frá Eyrarlandi, F: Mac frá Wales / Eyrarlandi.

*Ath. aldur hunda er námundarður að heilu eða hálfu ári

MYNDIR frá mótinu er að finna í myndasafni http://smalahundur.123.is/photoalbums/255162/

Fyrir hönd Austurlandsdeildar SFÍ, Elísabet Gunnarsdóttir

Kæru félagar og annað áhugafólk um smalahunda.  Eins og sum ykkar vita, ‏‏‏‏þá flutti ég til Kaupmannahafnar um miðjan september til að vinna hjá ráðgjafafyrirtæki.  Á föstudaginn leigði ég mér bíl og ók til Trelleborg í suður Sví‏þjóð til að fylgjast með norðurlandamóti í flokki unghunda sem haldið var núna um helgina.  Ég tók að mér ritarastörf á mótinu og skráði dóma fyrir 59 af 78 rennslum á mótinu.

Dómari keppninnar er nokkrum okkar ágætlega kunnugur, en ‏hann var James McGee frá Írlandi.  Hann leiðbeindi á námskeiði sem haldið var hjá Gísla í M‎ýrdal í ágúst 2012 og dæmdi í framhaldi Landskeppnina ‏það ár.  James hefur verið duglegur að halda námskeið, dæma, ‏‏þjálfa, og keppa síðan hann var hjá okkur í fyrra.  Hann er t.d. n‎ýlega kominn úr tveggja vikna ferð til Ástralíu.  Svo er hann byrjaður að keppa með sjö og hálfsmánaðar gömlum syni Beccu, Silver, en James og Becca eru núverandi heimsmeistarar í smalahundakeppni.

Það er gaman að geta sagt frá ‏‏því að ‏James og Silver lentu nýlega í fjórða sæti í unghundakeppni á Írlandi með 90 stig!  Aðspurður taldi James að Silver væri kominn álíka langt og móðir hans var komin ‏þegar hún var rúmlega ársgömul.  Það verður fróðlegt að fylgjast með ‏þeim í framtíðinni.

Fyrir ykkur sem hafið áhuga, ‏‏þá hef ég tekið saman samantekt um keppnina og er hún aðgengileg hér og undir flipanum Greinaskrif um ýmis málefni.

Bestu kveðjur,

Jón Axel