Stjórnarfundur SFÍ

Fundargerð

Fundur stjórnar Smalahundafélags Íslands 2.apríl 2024 kl 20.30. Á fundinum eru Ingveldur Ása Konráðsdóttir, Jens Þór Sigurðarson og Hrafnhildur Tíbrá Halldórsdóttir.

Nokkur mál voru á dagskrá og hafa sum hver verið í umræðu stjórnar frá síðasta aðalfundi.

1. Merki (lógó) Smalahundafélags Íslands
2. Dómari á Landskeppni
3. Heimasíða SFÍ
4. Reiðhallastyrkur
5. Snati ættbókarforrit
6. Fjárhundanámskeið vetur 2024

1. Stjórn Sfí fékk grafískan hönnuð í lið með sér til að útfæra hugmyndir af merki/lógói félagsins. Tvær útfærslur eru komnar og hefur stjórn ákveðið að kosið verði á aðalfundi um hvort merkið/lógóið skuli notað. Þau verða kynnt á fésbókarsíðu smalahundafélagsins fyrir aðalfund þar sem félagsmenn geta skoðað og gert upp hug sinn.
2. ISDS hefur samþykkt að hjálpa til við að finna dómara til að dæma Landskeppni 2024 sem gæti þá einnig mögulega haldið námskeið eftir keppnina. Ekki hefur enn borist svar frá þeim hver sá dómari verður.
3. Heimasíða smalahundafélagsins (www.smalahundur.123.is) er farin að virka og hefur stjórn því ákveðið að búa ekki til nýja síðu. Stjórnin hefur nú þegar hafist handa við að setja aftur inn efni sem ekki var lengur aðgengilegt. Því miður hafa m.a. skjöl yfir fundargerðir og úrslit keppna glatast en reynt verður eftir fremsta megni að afla afrita og setja inn á ný.
4. Engin umsókn hefur enn borist til Sfí varðandi reiðhallastyrk en umsóknarfrestur er til 1.maí. Ákveðið að minna á styrkinn á fb síðu félagsins.
5. Umræður voru um skráningar í Snata ættbókarforrit. Er það samróma álit stjórnar að hvetja þurfi með einhverjum ráðum til meiri skráninga í Snata. Töluverð gróska er í ræktun border collie fjárhunda á Íslandi þessi misserin, margir hundar hafa verið fluttir inn og mikilvægt að halda vinnulínum í sér gagnagrunni.
6. Rætt var aðeins um námskeiðin sem haldin voru í febrúar á Mið-Fossum með Jo Agnar og á Hellu með Linn Kristin. Mikið gleðiefni hve mikill áhugi er á að komast á námskeið með erlendum leiðbeinendum og ekki annað að heyra en ánægja hafi verið meðal þeirra sem sóttu námskeiðin.

Fleira ekki rætt og fundi slitið kl 22.00.

Þá er námskeiðs röðinni haust 2023 vor 2024 lokið.

Að þessu sinni voru haldin 6 fjárhundanámskeið með 3 erlendum leiðbeinendum:

1. Paddy Fanning á Blönduósi.

2. Jo Agnar Hansen á Miðfossum.

3. Linn Kristín Flaten á Hellu.

Smalahundafélag Íslands þakkar öllum þeim sem aðstoðuðu við að halda þessi námskeið og þakkar líka Landbúnaðarháskóla Íslands fyrir samstarfið.

Í myndaalbúmi eru svipmyndir frá námskeiðunum. 

Þann 1.febrúar stóðu Rune Brumoen og Þorvarður Ingimarsson fyrir fræðslukvöldi á vegum Austurlandsdeildar smalahundafélags Íslands.

Aukinn áhugi fólks á að koma sér upp nothæfum fjárhundi hefur aukist mikið á austurlandi síðustu tvö ár og mættu alls 28 manns.

Rune fór yfir eðli border collie hunda og hvernig best væri að standa að byrjun þjálfunar og hvernig hægt væri að byggja ofan á það með tímanum. Einnig tók hann fram að þrjú meginatriði þyrfti til að byrja að þjálfa hund. Nauðsynlegt er að hafa nokkrar kindur, svæði til að þjálfa á og ekki síst að taka sér tíma til að þjálfa. Þorvarður fór síðan yfir félagskerfið og hlutverk þess þ.e. ISDS, SFÍ, Snata og deildir undir SFÍ. Á meðan á erindunum stóð gafst gestum kostur á að spyrja framsögumenn. Út frá því spunnust umræður sem voru ekki síður gagnlegar og skemmtilegar. Það er ánægjulegt að segja frá því að töluverð fjölgun varð í félaginu og Austurlandsdeild þetta kvöld.

Í framhaldi af þessum fræðslufundi verður boðið upp á verklega tíma fyrir áhugasama á svæðinu, nokkra laugardaga í vetur sem verður með svipuðu sniði og í fyrra.

Hér eru tenglar til að skrá sig á fjárhundanámskeið á Blönduósi með Paddy Fanning.

Fjárhundanámskeið með hundi lau 21.10 og sun 22.10 kl.9-17

https://umsokn.inna.is/#!/login/1189/651055

Fjárhundanámskeið með hundi mán. 23.10 og þri. 24.10 kl.9-17

https://umsokn.inna.is/#!/login/1189/651056

Fjárhundanámskeið án hunds lau. 21.10 og sun 22.10 kl.9-17

https://umsokn.inna.is/#!/login/1189/651058

Fjárhundanámskeið án hunds mán. 23.10 og þri 24.10 kl.9-17

https://umsokn.inna.is/#!/login/1189/651057

Kynning stjrn 2023.pdf

Heimsmeistaramót 2023

Heimsmeistaramót International Sheep Dog Society verður að þessu sinni haldið á Norður-Írlandi dagana 13.-16. september. Á heimsmeistaramótinu taka þátt um 240 keppendur frá yfir 30 löndum en það hefur verið haldið þriðja hvert ár frá 2002, utan 2020 vegna Covid faraldurs.

Búist er við að allt að 50 þúsund manns muni mæta til að fylgjast með mótinu en auk þess verður sýnt beint frá keppninni fyrir þá sem ekki eiga heimangengt.

Þeir sem skipa lið Smalahundafélags Íslands á þessu ári eru Maríus Snær Halldórsson með Rosa og Elísabet Gunnarsdóttir með Ripley. Þetta er í annað sinn sem að Elísabet fara út fyrir Íslands hönd en síðast fór hún 2017 og var það í fyrsta sinn sem Ísland tók þátt á heimsmeistaramóti. Þau hafa því nokkra reynslu í farteskinu og vonum við að það skili þeim góðum árangri á erlendri grund.

Hvetjum við félagsmenn okkar til að fylgjast með og styðja okkar fólk, hvort sem er á Norður-Írlandi eða í gegnum beint streymi.

Streymið er á eftirfarandi link: https://page.inplayer.com/isdslive/item.html?id=3605345

Heimasíðan fyrir keppnina: https://www.worldsheepdogtrials.org/

Til upplýsinga þá hefst Landskeppnin 2023 í Mýrdal á morgun laugardaginn 19.8.2023 kl: 10:00.

Landskeppni Smalahundafélags Íslands 2023

Landskeppni SFÍ verður haldin í Mýrdal í Kolbeinsstaðahrepp helgina 19.-20. ágúst.
Keppt verður í flokki Unghunda, A-flokki og B-flokki.

Aðalfundur verður föstudagskvöldið 18. ágúst kl. 20 í Félagsheimilinu Lindartungu.

Skráning í keppni á tibra90@hotmail.com eða í síma 847-3831 Tíbrá

Nánari upplýsingar síðar.

Landskeppni Sfí 2023

Fyrir þá sem vilja er hægt að nýta sér tjaldaðstöðu, svefnpokaaðstöðu og salerni í Félagsheimilinu Lindartungu þá daga sem Landskeppnin fer fram. Lindartunga er stutt frá Mýrdal þar sem keppnin er haldin (innan við 5 mínútur í akstri).

Stefnt er að sameiginlegum kvöldmat á laugardagskvöldinu - nánar auglýst síðar.

Landskeppni 2023

Boðið verður upp á sameiginlegan kvöldmat í Lindartungu á laugardagskvöldinu og biðjum við ykkur að senda mér skilaboð fyrir hádegi fimmtudags 17. ágúst til að melda ykkur í matinn.

Maturinn kostar 4.500 kr.

Landskeppni Smalahundafélags Íslands 2023

Landskeppni SFÍ verður haldin í Mýrdal í Kolbeinsstaðahrepp helgina 19.-20. ágúst.
Keppt verður í flokki Unghunda, A-flokki og B-flokki.

Aðalfundur verður föstudagskvöldið 18. ágúst kl. 20 í Félagsheimilinu Lindartungu.

Skráning í keppni á tibra90@hotmail.com eða í síma 847-3831 Tíbrá

Nánari upplýsingar síðar.