Búið er að festa dómara fyrir LANDSMÓT Smalahundafélags Íslands. Sá heitir Bevis Jordan, starfandi bóndi og reynslubolti þegar kemur að Border collie fjárhundum.

Dagana fyrir mótið mun hann bjóða upp á leiðsögn. Útfærslan á því er í höndum Smalahundafélags Snæfellsness og Hnappadals sem er mun væntanlega auglýsa NÁMSKEIÐ þegar nær dregur.

Einnig mun Bevis vera fulltrúi ISDS (International Sheepdog Society) í vinnuprófum sem SFÍ fyrirhugar að bjóða upp á samhliða mótinu. Þeir sem hafa áhuga á að koma með hunda í VINNUPRÓF til að fá þá metna inn í ættbókargrunn ISDS eru beðnir um að hafa samband við Lísu (s. 863 1679) í síðasta lagi 15. júlí 2016.

Það er rétt að minna á að þeir sem ætla í vinnupróf þurfa að fara með þá hunda sem eiga að þreyta prófið í DNA próf fyrir augnsjúkdómnum CEA og getur tekið allt að 6 vikur að fá niðurstöður (tekur þó yfirleitt um 4 vikur). Það er gert með blóðsýni sem dýralæknir tekur og sendir síðan blóðsýnið í greiningu.

Allir þeir sem eru að rækta hunda óháð því hvort þeir eru að fara í vinnupróf eru hvattir til að fara með hundana sína í svona DNA próf til að koma í veg fyrir að hundar sem bera þennan sjúkdóm séu paraðir saman.

Já, nú liggur fyrir að stefnt er ákveðið að Landskeppni 2016 síðustu helginga í ágúst (27/28). Hún verður haldin í Dölum (suðurdölum). Þarna er nálægt lítið félagsheimili Árblik þar sem boðið er uppá svefpokagistingu. Það verður tekið frá þessa helgi. Fyrir þá sem vilja eru síðan sumarbústaðir í útleigu á svæðinu sem er öruggast að festa sem fyrst.

(Tekið af facebook síðu SFÍ - skrifað af Svani 5. maí)